LoVe Me LoNg TiMe1
வேர்டில் டெக்ஸ்ட் அமைத்துக் கொண்டிருக்கையில் சில குறிப்பிட்ட சொற்களை கேப்பிடல் லெட்டர்ஸ் என்னும் வகையிலான பெரிய எழுத்துக்களில் அமைக்க விரும்புகிறீர்கள் என்றால் எந்த சொற்களைப் பெரிய எழுத்துக்களில் அமைக்க விரும்புகிறீர்களோ அவற்றைத் தேர்ந்தெடுத்து விட்டு Ctrl + Shift + A அழுத்தவும்.
அனைத்து எழுத்துக்களும் பெரிய எழுத்துக்களாக மாறும். மற்ற சொற்களைக் காண்கையில் இது கொஞ்சம் அதிகப்பிரசங்கித் தனமாக இருக்கும். கேப்பிடல் லெட்டர்ஸும் வேண்டும்; ஆனால் இவ்வளவு பெரிய அளவில் இருக்கக் கூடாது.
அப்படியானால் மீண்டும் இதனைத் தேர்ந்தெடுத்து எழுத்தின் அளவைக் கொஞ்சம் கொஞ்சமாகக் குறைத்துக் கொண்டு வர வேண்டும். எந்த அளவு உங்களுக்கு பிடித்திருக்கிறதோ அந்த அளவில் வைத்துக் கொள்ளலாம்.
ஆனால் உங்களுக்கு இந்த தொல்லையை வழங்காமல் வேர்ட் ஒரு வழியைத் தந்துள்ளது. சொற்களைத் தேர்ந்தெடுத்து Ctrl + Shift + K என்ற கீகளை அழுத்துங்கள். காண்பதற்கு லட்சனமான அளவில் பெரிய எழுத்துக்களில் அந்த சொற்கள் கிடைக்கும். முதலில் மிகப் பெரிய கேப்பிடல் எழுத்துக்களை அமைத்துவிட்டுத்தான் பின் இதற்கு மாற வேண்டியதில்லை. சிறிய எழுத்துக்களில் உள்ள சொற்களைத் தேர்ந்தெடுத்து Ctrl + Shift + K கீகளை அழுத்தினாலே அவை சிறிய கேபிடல் லெட்டர்களில் அமையும்.
Posted in: சிறிய "பெரிய' எழுத்துக்கள்
0 comments:
Post a Comment